Pinoy seaman kinasuhan ng drugtrafficking sa Hong Kong
Gin turn over na sang Oktubre 26 sa HK highcourt ang kaso nga drugtrafficking batuk sa pinoy seaman nga ginkilala kay Carlito Platon 48 anyos kg sa duwa ka Columbian nationals nga sanday Christhian Enrique Posso kg Jose William Uribe matapos nag positibo ang laboratory test sa 2 kilograms nga ginapatihan high grade cocaine nga gin smuggle ni Platon.
Gin aresto ang pinoy seaman sang Hunyo 2 sini man nga tuig matapos nag pakig kita kon tani sa iya Columbian kuntak agud edeliver ang cocaine nga gin porma sa korte sang shoe sole.
Base sa panaysayon ni Platon, samtang naga inum inum sila sa isa ka bar sa Columbia may nag pangilala sa iya kg nag transaction nga mapadala sang cargo pa Manila apang pakig kitaan pa sini ang abyan sang nagpadala sa Hong Kong.
Nahibaluan nga nag dock sang Hunyo 1 sa Kwai Chung Port ang gina sakyan nga cargo vessel ni Platon kg maga flight ini pagka aga sa Manila. Likum sa iya ihibalu under surveillance na gali ang duwa ka Columbians nga kuntak sini kag nakibot na gid lang sang gin aresto sila sang custom officers. Nakita man sa iya bag ang $100,000 dollars nga gina alegar bayad sa transaction.
Tungod serious crime sa HK ang drug trafficking, pareho nga gin refuse ang bail request sang duwa ka Columbians. Wala naman nag aplay si Platon sang pyansa halin sang pagka priso sini . Apisar may mga ebidensya nga nakuha sa pinoy seaman ,padayun nga gina panginwala sini ang iya involvement sa pag smuggle sang cocaine. Gin schedule ang masunod nga hearing sa Dec.4 sini nga tuig.
Source: rmn.ph
Post a Comment